Mias prioritats
Eu sun persvas cha il progress sia pussibel per tuottas e tuots. Ma quai pretenda soluziuns curaschusas. Our da quist motiv m’ingascha per üna Svizra sociala, ecologica e averta cun quistas prioritats:
Üna Svizra sociala ha dabsögn da…
…pajas güstas e bunas rentas.
…fits plü radschunaivels e per daplü chasas e abitaziuns per la populaziun.
…üna reducziun da las premias da la chascha d’amalats.
…daplü lös per la chüra d’uffants cun predschs radschunaivels.
Üna Svizra ecologica ha dabsögn da…
…investiziuns curaschusas aint illa restructuraziun ecologica dal pajais.
…rinforzar la spüerta dal trafic public.
…üna svelta müdada d’energia cun üna reala offensiva solara e sainza ouvras atomicas.
…üna plazza da finanzas verda chi sorta dal commerzi cul CO2.
Üna Svizra averta ha dabsögn da…
…l’integraziun europeica da nos pajais e da daplü coesiun in Europa.
…la libra circulaziun da persunas in Europa, da üna politica d’asil solidarica e da drets da l’uman per tuottas e tuots.
…plaina solidarità cun l’Ucraina i’l cumbat cunter l’imperialissem russ.
…üna politica da l’exteriur adüna orientada al dret internaziunal chi nu fa abüs da la «neutralità» sco model da business opportunistic.